Ақмола облыстық "SENIM" жергілікті кәсіподағының төрағасы, өңірлік Қоғамдық кеңес төрағасының орынбасары Серік Какенов «Адам құқықтары жөніндегі диалог» сараптамалық кездесуіне қатысты.

Кездесудің басты тақырыбы – азаматтардың, соның ішінде медицина қызметкерлерінің құқықтарын қорғау. Қатысушылар құқықтық қолдауды жетілдіру және әлеуметтік әділеттілікті нығайту жолдарын талқылады.

С.Қ. Какенов: «Медицина қызметкерлерінің құқықтарын қорғау – бұл тек жалақы мен еңбек жағдайлары ғана емес, сонымен қатар олардың еңбегіне лайықты құрмет көрсету, қауіпсіздік және кәсіби даму мәселелері. Кәсіподақтар бұл диалогқа белсенді қатысып, жұмысшылардың дауысы барлық деңгейде естілуі тиіс.»

Дискуссия қатысушылары:

Гүлнара Жанбекова – ҚР Адам құқықтары жөніндегі уәкілінің Ақмола облысы бойынша өкілі

Олжас Сыздыков – кездесудің модераторы, құқық қорғаушылардың қауіпсіздігі жөніндегі коалиция мүшесі, «Қадір Қасиет» ҚБ кеңесінің мүшесі, «IT.KZ» ҚҚ директоры

"QazMed" салалық кәсіподағы мұндай іс-шаралар мемлекет пен азаматтық қоғам арасындағы тиімді ынтымақтастықты қалыптастыруға ықпал етеді деп санайды. Бұл медицина қызметкерлерінің құқықтары мен мүдделерін қорғауда аса маңызды. Сонымен қатар, "QazMed" және "SENIM" жергілікті кәсіподағы   Серік Кабдушевичтің жетекшілігімен кәсіподақ қозғалысына деген сенімді нығайту бағытында ұзақ жылдар бойы бірлесіп жұмыс істеп келеді.

Кәсіподақ – әрбір қызметкердің күші!