«Qamqor» Ақтөбе денсаулық сақтау кәсіподақ» қоғамдық бірлестігінің ұйымдастыруымен 10 қазан 2024 жылы Ақтөбе облысы Кәсіподақ орталығының мәжіліс залында Қазақстан Кәсіподақтар күніне арналған салтанатты мерекелі шара өткізді.

Мерекелік шараға барлық «Qamqor» Ақтөбе Денсаулық сақтау кәсіподақ ұйымдарының төрағалары, денсаулық сақтау саласы мекемелерінің бас дәрігерлері, кәсіподақ саласындағы қызметке еңбегі сіңген ардагерлер шақырылды.

Сондай-ақ салтанатты жиынға Ақтөбе облысы денсаулық сақтау басқармасы басшысының орынбасары Қажғалиев Мұратжан Амангелдіұлы, жергілікті билік өкілдері қатысты.

Қазақстан Кәсіподақтар күніне орай, Елімізді өркендетуге, халқымыздың әл-қуатын жақсартуға бағытталған алқымды шараларды жүзеге асырудағы қажырлы қызметі, кәсіподақ қозғалысын дамытудағы жеке үлесі және кәсіподақтармен әлеуметтік серіктестікті дамытқан үшін 6 медицина қызметкерлерін Ақтөбе облысының халқының денсаулығын қорғау ісіндегі еңбегі үшін төс белгісімен марапатталды.

30 кәсіподақ мүшелері «Құрмет» грамотасымен және Алғыс хатымен марапатталды. Сонымен қатар, "Qamqor" кәсіподағы медицина қызметкерлеріне бағалы сыйлықтармен гүл шоқтарын табыстады.

"QazMed" салалық кәсіподағы, кәсіподақ мүшелерін көтермелеу жөніндегі "Qamqor" кәсіподағының бастамасын қолдайды, осылайша олардың кәсіподақ қозғалысын дамытуға қосқан үлесі атап өтіледі.

Сіздерге және сіздердің отбасыларыңызға денсаулық, сіздердің қызметіңізде сәттілік, жаңа жетістіктер және қызметкерлердің мүдделерін қорғауда сарқылмас қуат тілейміз! Біздің ортақ жұмысымыз Қазақстан еңбекшілеріне қоғамға және өркендеуге пайда әкелсін.