Ақпан айында Ақтөбе облысында «Салауатты өмір салты – біздің басты жеңісіміз!» ұранымен медицина қызметкерлері арасында шаңғы жарысы өтті. Облыстық денсаулық сақтау басқармасы мен «Qamqor» медицина қызметкерлері кәсіподағы ұйымдастырған бұл спорттық шара медицина мамандарын белсенді өмір салтын ұстануға шақырды.

Жарыстың басты мақсаты – қоғам назарын дене белсенділігінің маңыздылығына аудару, медицина қызметкерлері арасында спорттық дәстүрді нығайту және Дүниежүзілік денсаулық сақтау ұйымының күнделікті қозғалысқа қатысты ұсыныстарын насихаттау. Себебі салауатты өмір салты – бұл тек таңдау ғана емес, ұзақ өмір сүру мен тамаша көңіл-күйдің кепілі!

Шаңғы жарысы – өңірдегі сүйікті спорт түрі!

Жыл сайын бұл спорт түрі үлкен танымалдылыққа ие болып, кәсіпқой спортшылар мен әуесқойларды біріктіруде. Биылғы жарысқа қаланың 19 медициналық ұйымынан 140 өкіл қатысты.

Қашықтықтар:

500 метр – әйелдер арасында
1000 метр – ерлер арасында
Жас санаттары: 20-35 жас, 36-49 жас, 50 жастан жоғары

Жарыс қалай өтті?

🔹 Турнирдің салтанатты ашылуы
🔹 Облыстық балалар мен жасөспірімдер спорт мектебінің жаттықтырушылары жетекшілік еткен шаңғы жарысының басталуы
🔹 Жеңімпаздарды марапаттау рәсімі

Бұл күні тек спорттық дайындық қана емес, салауатты өмір салтына деген ұмтылыс жеңіске жетті! Ақтөбелік медицина қызметкерлері белсенділік, жігер мен төзімділік – кәсіби және жеке жетістіктің басты кепілі екенін дәлелдеді!