Марат Оспанов атындағы Батыс Қазақстан медицина университетінде Қазақстан Республикасының бірінші шақырылымдағы Парламенті Мәжілісінің тұңғыш төрағасы, экономика ғылымдарының докторы, Еуразия ғылымдар академиясының академигі Марат Оспановтың 75 жылдығына арналған «Жаhандық тенденциялар: ғылым, экономика және әлеуметтану» атты халықаралық ғылыми конференциясы өтті. Шараға жиналған қауым М.Оспановтың бюстісіне гүл шоқтарын қойды. Сондай-ақ, студенттер жәрмеңкесі өтіп, саясаткер еңбектеріне ғылыми шолу жасалған «Өнегелі өмір өрнегі» атты кітап көрмесі және өмір жолы мен қоғамдық-саяси қызметінен сыр шертетін фотогалерея және «Кодекс сердца Марата Оспанова» деректі фильмі көрсетілді.

Конференция соңында М.Оспанов атындағы қоғамдық қорының төрағасы Бақыт Оспанова ғалымға көрсетілген құрметке және конференция ұйымдастыруына қолдау көрсеткен «QAMQOR» Ақтөбе денсаулық сақтау кәсіподағына ат салысқаны үшін ризашылығын білдірді.