27-28 қараша күндері «SENIM» Ақмола облысының денсаулық сақтау жүйесі қызметкерлерінің жергілікті кәсіподағы» қоғамдық бірлестігінің төрағасы Серік Какенов Шортанды, Целиноград және Қорғалжын аудандарына жұмыс сапарымен барды.

27 қарашада ол «Кәсіподақтар құру, кәсіпорындарда ұжымдық шарттар жасасу, еңбек заңнамасының қауіпсіздік және еңбекті қорғау шарттарын сақтау бөлігінде бұзушылықтардың алдын алу» тақырыбындағы семинар-кеңеске қатысты. Семинар барысында кәсіподақтың 2024 жылдың 10 айындағы қызметі туралы есеп ұсынылды. Негізгі назар қызметкерлердің құқықтарын қорғауға, ұжымдық шарттарды ілгерілетуге және еңбек жағдайларын жақсартуға аударылды.

«Жұмыс жағдайын жақсарту және мүшелеріміздің құқықтарын қорғау – кәсіподақтың басты басымдығы. Әрбір медицина қызметкері қолдауды және сенімді қорғауды сезінуі үшін белсенді жұмысымызды жалғастырамыз», – деп атап өтті Серік Какенов.

28 қарашада Серік Какенов Қорғалжын ауданына барып, онда да еңбек заңнамасы мен еңбекті қорғаудың негізгі мәселелері бойынша семинар өткізді. Сонымен қатар, медициналық мекемелердің кәсіподақтың бастауыш ұйымдарының басшылары және төрағаларымен кездесулер өтті. Кездесулер барысында өзара іс-қимыл мәселелері, кредиторлық қарыз мәселесін шешу және қызметкерлердің құқықтарын қорғау талқыланды.

Жұмыс сапарлары медицина қызметкерлерінің еңбек жағдайларын жақсартуға және кәсіби өсуіне бағытталған конструктивті диалогпен аяқталды.