«Qamqor» денсаулық сақтау кәсіподағы» қоғамдық бірлестігі облыстың медицина ұйымдары кәсіподақ комитеттері төрағаларының қатысуымен кезекті алқа мәжілісін өткізді.

Мәжілісте қыркүйек–қазан айларына арналған іс-шаралар жоспары бекітіліп, олардың орындалуына жауапты тұлғалар айқындалды.

Іс-шаралар жоспары:

• 27 қыркүйек – «Таза Қазақстан» акциясына қатысу.
• 1 қазан – Қарттар күніне орай ардагерлерді құрметтеу және қайырымдылық акцияларын ұйымдастыру.
• 3 қазан – «Болашаққа бірге жүгіреміз!» марафоны (55 медицина қызметкерінің қатысуымен).
• 8 қазан – Кәсіподақтар күніне арналған салтанатты жиын (Қазақстан Республикасы Кәсіподақтар федерациясының төрағасы Сатыбалды Телағысұлы Дәулеталиннің қатысуымен, 11 кәсіподақ мүшесін марапаттау).
• 10 қазан – үздік ұжымдық шарт иелерін (3 ұйым) марапаттау және «Qamqor» денсаулық сақтау кәсіподағы Көшбасшысы» байқауын өткізу.

Мәжіліс кәсіподақ ұйымының бастамаларды талқылап, күш-жігерді біріктіру үшін маңызды алаң болып қала беретінін көрсетті. Қабылданған шешімдер медицина қызметкерлерін қолдауға, олардың кәсіби беделін нығайтуға және кәсіподақтың өңірдегі қоғамдық өмірдегі рөлін арттыруға бағытталған.