Оқушыны мектепке дайындау оңай емес, мектеп, спорттық формаларын, сөмкелерді, кеңсе тауарларын және т.б. сатып алу қажет. Қызылорда облысы бойынша «Ұлттық сараптама орталығы» ШЖҚ РМК филиалының «QazMed» салалық кәсіподағы ұйымының бастауыш кәсіподақ ұйымы балалары биыл 1-сыныпқа баратын кәсіподақ мүшелеріне қолдау көрсету туралы шешім қабылдады. Білім күні қарсаңында, оқу жылының басында оларға қажетті оқу құралдары бар 40 рюкзактар табыс етті.
Айта кету керек, кәсіподақ ұйымдастырушысы Ізмағамбетов Олжас Аябекұлы жетекшілігімен филиалдың бастауыш ұйымы кәсіподақ қызметін белсенді жүргізіп, қызметкерлерді әрқашан қолдауға дайын, сол арқылы кәсіподақ қозғалысына деген сенімді нығайтады.
