Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің «Ұлттық сараптама орталығы» шаруашылық жүргізу құқығындағы республикалық мемлекеттік кәсіпорнының Қызылорда облысы бойынша филиалы мамандарының біліктілік санатын беру мәселесін шешуге көрсеткен қолдауы, кәсіби көзқарасы және жәрдемі үшін «QazMed» РҚБ өкілдеріне алғыс білдірілді.

Атап айтқанда, «QazMed» РҚБ төрағасы Матишев Алиақпар Болатұлына, кәсіподақтың заңгері Аида Өрекенқызына, сондай-ақ Рысалды Маратқызына ерекше ризашылық сөздері жолданды.

Олардың жанашырлығы, жоғары біліктілігі және белсенді қатысуының арқасында аталған мәселені қарау және ілгерілету жөніндегі Комитетпен қажетті жұмыстар жүргізілді.

«QazMed» РҚБ-да атап өтілгендей, қызметкерлердің еңбек құқықтарын қорғау, құқықтық сүйемелдеу және мамандарға қолдау көрсету кәсіподақ ұйымы қызметінің негізгі бағыттарының бірі болып қала береді.

Білдірілген алғыс кәсіподақтың қызметкерлер мүдделерін қорғаудағы және өзекті кәсіби мәселелерді шешуге жәрдемдесудегі маңызды рөлін тағы да дәлелдеді.