5 желтоқсанда «QazMed» салалық кәсіподағының төрағасы Алиақпар Болатұлы Матишев жұмыс сапарымен Ақтөбе облысына барды. Сапар барысында ол Санитариялық-эпидемиологиялық бақылау департаментінің ұжымымен кездесті.
Кездесудің негізгі мақсаты — бастауыш кәсіподақ ұйымдарының мүшелеріне «QazMed» қызметі туралы ақпарат беру ғана емес, сонымен қатар кәсіби және кәсіподақ қызметіне қатысты өзекті мәселелер бойынша өңірлерде тікелей диалог орнату болды.
Кездесу барысында қызметкерлер бірнеше маңызды мәселені көтерді. Оның ішінде кейбірін ұйым деңгейінде шешуге болады — мысалы, қызметкерлерді сүтпен немесе оның баламаларымен қамтамасыз ету. Осы мәселе бойынша кәсіподақ сүт алмайтын қызметкерлер арасында ішкі аттестация жүргізуді ұсынды. Сонымен қатар, анағұрлым сезімтал тақырыптар да талқыланды. Негізгілерінің бірі — медициналық білімі жоқ санитариялық-эпидемиологиялық қызмет мамандарына қосымша төлемдердің жеткіліксіздігі. Бұл санаттағы қызметкерлер санитариялық-эпидемиологиялық қауіпсіздікті қамтамасыз ету бағытында елеулі жұмыс атқарады, алайда олардың еңбекақысы әділетсіз деңгейде қалып отыр.
Бұған дейін «QazMed» кәсіподағы медициналық және медициналық емес білімі бар қызметкерлер арасындағы еңбекақы дисбалансына қатысты Денсаулық сақтау министрлігіне хат жолдаған болатын. Жүктемесі бірдей болғанына қарамастан, медициналық білімі жоқ қызметкерлердің жалақысы екі есеге жуық төмен. Қолданыстағы нормативтік актілерге сүйенген Министрлік жауаптары мәселені шешуге бағытталған нақты ұсыныстарды қамтымады. Кәсіподақ мұндай жағдайды орынсыз деп санайды және еңбекақы жүйесіне өзгерістер енгізу бойынша жұмысын жалғастырмақ.
Сондай-ақ, мамандардың инфекция ошақтарына шығуына қатысты қосымша төлемдер мәселесі көтерілді. Қызметкерлердің айтуынша, бірқатар мамандар үстемақы алмайды және жеке қорғаныш құралдарымен жеткілікті қамтамасыз етілмеген. Алиакпар Матишев бұл мәселені назарға алды.
Сонымен қатар, кәсіподақтың ішкі жұмыстарына қатысты мәселелер де талқыланды. Кездесу конструктивті және ашық форматта өтті.
Іскерлік бөлімнен кейін марапаттау рәсімі өтті. «QazMed» төрағасы Алиакпар Матишев Ақтөбе облысы бойынша Санитариялық-эпидемиологиялық бақылау департаментінің басшысы Райхан Мусалиевна Қойшанованы әлеуметтік әріптестікті дамытуға және кәсіподақ қозғалысын қолдауға қосқан үлесі үшін "Үздік әлеуметтік әріптес" медалімен марапаттады.
Сондай-ақ марапатталғандар:
Марал Алпысбайқызы Байтурлина, өнеркәсіптік және радиациялық қауіпті объектілерді бақылау бөлімінің жетекші маманы — «QazMed» РҚБ
«Белсенді қоғамдық жұмысы үшін» медаліне ие болды.
«QazMed» РҚБ төрағасының ұзақ жылғы және нәтижелі кәсіподақ қызметі үшін Құрмет грамотасымен марапатталғандар:
- Журумбаева Қарлығаш Сериковна , Департаменттің бас маманы;
- Мелден Үлмекен Сәрсенбайқызы, Ақтөбе қалалық санитариялық-эпидемиологиялық бақылау басқармасының басшысының м.а.;
-Еңсегенова Валя Қалқабайқызы , Ырғыз аудандық санитариялық-эпидемиологиялық бақылау басқармасының жетекші маманы;
- Тұрақ Бекасыл Қалидоллаұлы, Хромтау аудандық санитариялық-эпидемиологиялық бақылау басқармасының бас маманы.
