Астанада Қазақстан Республикасы Кәсіподақтар федерациясы ұйымдастырған "Еңбек эволюциясы: климат, құзыреттілік, код" атты екі күндік халықаралық жастар форумы өтті. Іс-шараға еліміздің барлық өңірлерінен және түрлі салалардан жас кәсіподақ көшбасшылары мен белсенділері, сондай-ақ Әзербайжан, Қырғызстан, Өзбекстан және Тәжікстаннан келген кәсіподақ өкілдері қатысты.

Форумда "QazMed"салалық кәсіподағын екі делегат ұсынды: Тұрсын Айдана Әбдісейітқызы, "DENSAULYQ" денсаулық сақтау ұйымдары жұмыскерлерінің жергілікті кәсіподағы" ҚБ заңгері және Бекшебаева Дильнара Айтжанқызы, "С. Д. Асфендияров атындағы ҚазҰМУ қызметкерлерінің жергілікті кәсіподағы" ҚБ есепшісі.

Форум жұмысшы мамандықтарын дамытудың негізгі мәселелерін, жастарды қолдаудағы кәсіподақтардың рөлін және олардың климаттың өзгеруіне қатысуын талқылауға арналған. Сондай-ақ, бағдарламада жасанды интеллектпен, PR және SMM-мен жұмыс істеу бойынша практикалық тренингтер өтті.