"QazMed" салалық кәсіподақ және "QazMed" құрамына кіретін барлық деңгейдегі кәсіптік ұйымдар қызметінің аса маңызды басым бағыттары әлеуметтік кепілдіктерді, қауіпсіз еңбек жағдайларын, құқықтық қорғауды, ұжымдық шартты орындауды қамтамасыз ету болып табылады. Мұның бәрі бірлікті, командалық рухты нығайтады және әртүрлі қалалар мен аймақтардағы әріптестерімен кездесуге,ресми ортадан тыс қарым-қатынас жасауға мүмкіндік береді.

10 тамызда Ақтөбе қаласында Батыс Қазақстан,Атырау,Маңғыстау,Ақтөбе облыстары бойынша Ұлттық сараптама орталығы филиалдарының қызметкерлері арасында волейбол,шағын футболдан турнир өтті. Бұл ұйымдар "QazMed" салалық кәсіподағының құрамына кіреді. Жарысқа 75-тен астам адам қатысты.

ҰСО Ақтөбе облысы бойынша филиалының бастауыш кәсіподақ ұйымы, ауқымды іс-шараның ұйымдастырып қонақжайлықтарын көрсетті. Қатысушыларды барлық қажетті заттармен қамтамасыз етті.

Турнир қорытындысы бойынша волейбол мен футболдан Кубокты жеңіп алған Атырау облысы бойынша ҰСО филиалының командасы абсолютті жеңімпаз атанды.Барлық қатысушыларға грамоталар мен сыйлықтар табыс етілді.

Жарыс аяқталғаннан кейін осы турнирді ұйымдастырған Ақтөбе облысы бойынша ҰСО филиалының бастауыш кәсіподақ ұйымы барлық қатысушыларды "Green Land" демалыс базасына шақырды, онда бір шаңырақ астында, әдемі табиғат аясында үлкен дастархан басында қонақтар турнирдан алған әсерлерімен бөлісті, ұйымдастырушылар дайындаған конкурстарға белсенді қатысып, көнілді уақыт өткізді. Іс-шаралар турнирге қатысушылардың оң пікірлерін алды, олар ҰСО Ақтөбе облысы бойынша филиалының бастауыш кәсіподақ ұйымының кәсіби ұйымдастырушысына, Атқару комитетіне,мүшелеріне жарыстарды ұйымдастырғаны, қонақжайлылығы және жағымды эмоциялары үшін алғыс білдірді.

Жеңімпаздар мен қатысушыларды белсенді қатысқандары үшін құттықтап одан әрі жеңістер тілейміз!